احلى حياة

فراشه يا قلبوا انتي
الله يسعدك دنيا وآخره
تصدقي دووووبي اشوف الموضوع
يالله معليش
فضينالك دحين ما رااح تلحقي على الردوووود

قصتي يا ستي مع أحلى حياة بدئت قبل ما أدخل المركز

قبل أحلى حياه وبالتحديد في إجازة الصيف الماضي

كانت إجازه ..... ما أعرف ايش اقولك بس كانت مرحله انتقاليه

بديت معاها حياة جديده

ربي أكرمني وأعطاني القوه وبديت ابعد عن اشياء كتييييير ماهي كويسه في حياتي

حسيت أحساس أول مره أحسه

حسيت انو ربي معايا واني مني خايفه حسيت اني قرييييبه منه

حسيت اني قويه وانو كل الاشياء الي كنت متخيله اني مااااااا أقدر أتركها وابعد عنها

هي أشياء تااافهه واني اقدر اتركها بسهووله مدام المسئله فيها ترك لله

وبعد رمضان صارت لي انتكاسه

بديت ارجع زي ما كنت

طبعا كنت حزيييييييينه جدا وخايفه

ما ابغى ارجع زي ما كنت بدئت طريق مرررررره حلو ما ابغى ارجع للطريق القديم

طريق مظلم ماله ملامح

صحيح اني ما كنت سيئه للدرجه هاذي

بس كنت احس اني لا الى هؤلاء ولا الى هؤلاء

بكيت وبكيت وبكيت

ودعيته من كل قلبي انو يثبتني ويعينني

انو يرسل لي احد يمسك بيدي وامشي بجنبه في الطريق الصحيح

ولأنه أسمه المجيب وعمره ما خيب رجاء أحد

أستجاب ليا

أولا : بانه اعطاني رفيقات درب يمشو معايا
وثانيا: بانه ارسلنا لأحلى مكان


في الترم الاول وبعد اجازة الحج (أعتقد )
قدمنا عرض في مادة Reading
هاذا العرض كان واجب
والمفروض اننا نسلمه بعد الحج

تصدقوا

انا كنت نااااسيه
بس رفيقة دربيfuture writer قالت لي
لا يا future writer 2 لااااازم نسوي وما نتأخر
وفضلت تشجعني وتحفزني
الييين ما عملناه
الاستاذه عجبها عرضنا وانبسطت اكثر اننا قدمناه في وقته
طلبت مننا اننا نقابلها في المكتب
وقالت لنا على مركز احلى حياه ( أتوقع عرفتوا من هي الاستاذه )
(الى الآن اتسائل ايش الي خلاها تختارنا .... اكيد خيره من الله واراد انو يصلح لنا حالنا(
المهم
كالعاده كانت رفيقة دربي مرررررره متحمسه
وانا كنت خايفه اصلا اتحمس للفكره وبابا ما يعطيني وجه


تصدقوا اني من اليأس حتى ما سألت الاستاذه عن التفاصيل
يعني الموعد المكان
على طووووول قلت لها : لا يا استاذه ما اتوقع بابا يرضى هو مررررره يكره المشاوير

وفضلت رفيقة دربي تزن تزن تزن فوق راسي وتقولي لا تخافي ان شاء الله راح يرضى

سبحان الله
اول ما فتحت معاه الموضوع
سئلني سؤال واحد : يعني أنتي ضروري تبغي تروحي
قلت له :مررررررررررره
قال : خلاص طيب

والله كنت باقوم ازغرد
الحمدلله اني مسكت نفسي


ومن هاذاك الاسبوع صار الثلثاء أحلى ايام حياتي
سبحان الله رغم اني دخلت وانا متأخره يمكن باسبوعين او ثلاثه
بس ما كنت حاسه انو راح عليا شي
كنت حاسه اني اصلا مهيئه من قبل الحمدلله

هاذا كله هو قبل أحلى حياه
بعد أحلى حياه
هاذا يبغالو كتاااااب

أحلى حياه خلتني أشوف نفسي وأشوف الناس والدنيا بطريقه ثااااانيه

أحلى حياه علمتني انو ديننا مو عبادات ظاهريه
ديننا أعمق من كذا بكثييييييير
ديننا مكانه قلوبنا
علمونا كيف نحب ربنا وكيف نتعمق في علاقتنا معه
لما حبيناه وقربنا منه
صارت عبادتنا ناتجه عن محبتنا له
مو لمجرد انه واجب فقط

في أحلى حياه اتعلمت كيف احب باخلاص حب عميييق مو مجرد حب بالقول حب بالفعل

كنت قبل اقول اني احب ربي لأني اتعلمت اقول كذا وانا صغيره
بس ما كنت احسها كنت ما اسمع كلامه وكنت بعيييييييده عنه

دحين اقول احبه وانا حاسه بهالكلمه من كل قلبي
أحبه لأنه دايما معايا
احبه لأنه ما خيب رجائي

وأحبه مو بس قول أحبه بكلامي وافعالي وعبادتي


بأختصار

في أحلى حياه أتعلمت كيف أحب ربي واحب ديني واحب نفسي واحب الناس

موضوع حلو ....