الحدث الكبير....

[center] السلام عليكم

اانا زيك يا أحلى فراشة كنت غايبة بس ريمووووووووووو الله يسعدها جات الدوام وحكتني عن اللقاء وكان اسلوبها مرة مرة روعة


وانصحك تمسكي ريما او اي بنت حضرت اللقاء يوم الثلاثاء الجاي وتحكيك لانه وجها لوجه الكلام غير غير



وانا إلا هون عليه زعلي لمن غبت غني كنت في مهمة إنسانية """ الاخت حست بالموضوع وعلى طول نفذت ما شاء الله عليه"



ههههههههههههههههههههه [/center]

السلام عليكم ...
ماشاء الله تبارك الرحمن اسم على مسمى يا أحلى فراشة ، بجد فراشة ونشيطة كمان تتجول في كل مكان وتترك أحلى اثر .. ومشكوره ياريمو على فتح الموضوع..
اللقاء ماتتخيلوا قد اية روووووووعة ومؤثر مرررررررررة وعن نفسي عارفة ومتأكدة كمان انه قلمي يعجز عن وصف و تسطير الدرر بس راح أحاول ويارب اقدر أوصل ولو شووووية من إلي قالته أستاذتنا ...
اسيبكم مع الحكاية من البداية..
كان يا مكان في قديم قديم قديم الزمان كان ربنا وحده وليس معه شي, كان على عرشه إلي تعتبر السماء السابعة ذرة مقارنه بة , ايوة السابعة مش الأولى او الثانية..مو قلنا عظيم سبحان الله!!.. لا تفكري كيف او ليش –لالالا- عقولنا جدا بسيطة ومستحيل نقدر نوصل لجواب حتى لو بالخيال..
المهم خلق ربنا السموات والأرض والملائكة وإبليس كمان وووو.. وخلق معاها أشياء معنوية منها (الرحمة والتوبة والرحم) ياحبيبي ياربي الرحمه من اول لاشياء الي خلقتها وقبل الانسان كمان، مادري بس كانة معناها انه ياعبدي ماتخاف رحمتي تستناك.. والتوبة بابها مفتووووح الى ان تشرق الشمس من مغربها.. بعد هذا كلة نقطع الرحم؟! الرحم الي تعلقت في عرش الرحمن واشتكت ويوم القيامه راح يسيرها لسان وتشتكي فيرد عليها ربنا ويقول" اما يرضيك ان اصل من وصلك واقطع من قطعك" خلونا نقول زي استاذتنا " والله لو يرموني بالتراب اروح لهم "
نرجع لحكايتنا, ظلت الحياه على هذا الحال كل المخلوقات من ملائكه وجن وسموات واراضي تعبد وتسبح وتقدس الله جل في علاه الا ان سار الحدث الكبييييير* خلق ابونا ادم عليه السلام *
في البدايه ماكان فية روح وظل ابليس علية لعنة الله يطوف حوله وكلة غيظ وقهر وزعل ويمكن كان يقول في نفسة" من هذا, طيب ليه ربي خلقه وبيده كمان. ." وبدا داء الحسد يظهر وسار ابليس يدور على تجويف يقدر يدخل منة عشان يفسد طبعا بالزبط زي ماهو قاعد يدور حول ابناء ادم ذحين..
وبعدها ربنا نفخ في ادم عليه السلام من روحه فعطس وقال "الحمد لله" فرد عليه ربنا وقال "يرحمك ربك" شوفو ياسلام كيف الرد.. وبعدين اجتمع الكل فرحا بالحدث الكبير وسارت حفله كبيره في السماء لابونا ^تخيلوا واووو^
وبعد كذا امر ربنا كل المخلوقات بالسجود لادم ـ تكريم ـ فسجدوا الاابليس ابى واستكبر وعارفين اكيد باقية الحكاية...
توعد ابليس بغواية ادم عليه السلام وذريتة، اكل ادم وزوجته من الشجرة الي ربنا نهاهم عن الاقتراب منها ، ونزلوا الارض.. لا تزعلي وتقولي ياليت مانزلنا الارض عشان اكيد هي حكمه من ربنا ولو فكرنا فيها شوية راح نوصل انة (كل شي يجي من غير تعب ماله طعم) يعني يااحلى فراشه لو اقلك باعطيك الماجستير في التخصص الي تبغيه كذا من غير دراسة او تعب,تاخذية؟؟ عرض مغري واكيد راح يسير صراع داخلي بس في النهاية متاكدة انك بترفضيه ببساطه عشان ماراح يكون له طعم او فرحة او حتى ذكريات او يمكن تحسي نفسك ما تستاهليه..
وتوته توته خلصت الحتوته..لالالا، الا هذا الحكاية بجد ما لها نهاية..
شفتي قد اية انت غالية عند ربنا خلقك بيده.. وهذه ابغاك توقفي عندها شويه * كل المخلوقات خلقها بكن فيكون ما عدا انتي بيده بيده.. خلقك وقت ماكانت كل المخلوقات تعبده يعني ربنا ماخلقنا بس عشان نصلي ونصوم ونقول وين الحيطه! خلقك ليجعلك خليفه في الارض تعمريها ونصلحي فيها قد ما تقدري ، خلقك لمهمة وهي انك تخلي الأرض زي ما ربنا يبغاها... عرفتي انت مين عند ربي وليش خلقك وايش المطلوب منك، عرفتي انك في مهمة..
ان شاء الله يارب تكون وصلت فكرة *انا في مهمة*
اللهم اني ادعوك باسمك الأعظم الذي إذا دعيت به استجبت أن تحفظ وتوفق وتسعد استاذة نيفين واستاذه نسرين وتدخلهم يااااارب أعلى الجنان.. اللهم انك تعلم إنهم أرادوا تغيير الجيل وهاهي بصمتهم واضحة وأفكارهم رووووعه وتأثيرهم ماشاء الله فأعطيهم ياربي ماتمنوا..
امييييييييييييييين يارب العالمين..
منقول من أحلى كلام لأحلى أستاذه من أحلى مكان " أحلى حياه "..
للمزيد تنصح استاذتنا بقراه كتاب* إني جاعل في الأرض خليفة* للأستاذ عمرو خالد.

الحدث الكبير

موضوع شيق للغايه

كلنا نعرف إننا خلقنا للعبادة فقط ولم أكن أعرف أننا خلقنا لإصلاح الأرض والعباده معها


أشكر اللأستاذة نسرين

تقبلي ودي

مشكورررررة

دمتي بحب


^ ^ بوحه الحلوه ^^